آخر المواضيع

الجمعة، 3 يوليو 2020

3000 كورس اونلاين مجانا من موقع كورسيرا

أكثر من +3000 كورس مجاناً من موقع كورسيرا للطلبة الجامعيين 

CoursraFree online certificate courses

لو انت طالب جامعي ومعاك الميل الجامعي بتاعك وحابب تتعلم أونلاين من غير ماتدفع فلوس وكمان تاخد شهادات قوية تضيفها في الـ C.V بتاعك فالفرصة جتلك لحد عندك وانت مستريح فعلشان كدة إوعى تضيعها من إيدك وامسك فيها باديك وسنانك ^_^ .




أكثر من 3000 كورس مجانا على كورسيرا

كنز النهاردة بيقدمه واحد من أقوى مواقع الكورسات اون لاين وهو موقع كورسيرا (coursera) الشهير جداً موقع كورسيرا بيقدم كورسات في كتير من المجالات وبشهادات معتمدة من جامعات عالمية ترتيبهاا مرموق جدا على مستوى جامعات العالم زي جامعة هارفرد وكاليفورنيا وألبرتا وغيرها من الجامعات بل وكمان شهادات معتمدة من منظمات دولية كبيرة زي منظمة العفو الدولية ومنظمة الصحة العالمية وغيرها كتير جداً والشهادات دي لواحدها كفيلة تخلي الـ C.V بتاعك قوي .




كمان في ظل إعتراف أكبر دولة في العالم حالياً بإن الشهادات الجامعية مش هتكون المقياس الاساسي في التوظيف ضمن الشركات الكبرى وده المنطق اللي بتعتمد عليه شركة جوجل بنفسها من فترة كبيرة جداً فبالتالي ده هيفتحلك المجال انك تتخصص وتتعلم و تبقى مبدع في مجالات انت حاببها ومهتم بيها وكمان تقدر إنك تشتغل فيها بعد كدة من غير ماتكون درستها دراسة أكاديمية او دراسة جامعية يعني من الاخر هم عاوزينك تكون شاطر في مجالك مش واخد مجرد شهادات وخلاص وأظن ده لواحده كفيل يخليك تبدأ دلوقتي تاخد كورسات تطور بيها من مهاراتك في كل الجوانب اللي شايف فيها عندك نقاط ضعف محتاج تقويها وعلشان تبقى مؤهل لسوق العمل وصاحب خبرة كمان .

خطفتك بعيد عن موضوعنا شوية لكن تعالى نكمل كلامنا .. موقع كورسيرا دلوقتي بسبب أزمة الوباء المنتشر حالياً فهو فتح باب التسجيل بالميل الجامعي اللي مع حضرتك على الموقع عنده واللي من خلاله تقدر تاخد اي كورسات حابب تتعلمها من على الموقع مجاناً وكمان تقدر تسحب شهادتها وتضيفيها في الـ  C.V بتاعك او في البروفايل الخاص بيك على موقع LINKED IN  .
قبل ماتعمل اي حاجة ماتنساش تشترك في قناتنا على التليجرام علشان يوصلك كل جديد اول بأول 


بعد مابتسجل بتاخد الصلاحية لأكثر من 3000 كورس على الموقع تقدر تتعلمهم ولكن في فترة زمنية معينة آخرها30\9\2020 وأعتقد دي فترة كافية تقدر تخلص فيها أكثر من كورس وحتى لو خلصت فيها كورس واحد فـ ده في حد ذاته إنجاز عظيم من شخص عظيم زيك .
طيب ازاي نسجل ؟ 


أولاً هدخل على اللينك من هنا 
3000 كورس اونلاين مجانا من موقع كورسيرا


ثانيا هتكتب ميلك الجامعي في المكان الموضح قدامك ده وبعدين تدوس Start  ولو طلب منك باسورد اكتب الباسورد اللي تحبه وهيفتح معاك وبالتوفيق .


ليست هناك تعليقات:

إرسال تعليق

من نحن

authorمرحبا، أسمي محمد وهذه مدونتي أسعى دائما لأقدم لكم أفضل المواضيع الخاصة بالتكنلوجيا

نموذج الاتصال

الاسم

بريد إلكتروني *

رسالة *