كورسات يوديمي في البرمجة اون لاين للمبتدئين والمحترفين

الصفحة الرئيسية

 محاضرات وكورسات مقدمة من موقع يوديمي 

Udemy  Free online certificate courses


إنك تتعلم برمجة في الوقت الحالي أصبح سهل جداً وبسيط كل اللي عليك إنك تتعب بس شوية وتدور على كورسات في المجال اللي انت عاوز تتعلمه في المقال هتاخد كنز حقيقي هيبقى معاك مجموعة كورسات كتيرة جداً في مجالات برمجية أكتر كل اللي عليك انك تسجل فيهم وتخليهم في حسابك على موقع يوديمي علشان تقدر ترجعلهم في اي وقت تاني ويكونوا متاحين معاك مدى الحياة كمان ! .

بس خلينا قبل مانسجل ندردش شوية مع بعض كدة .

إقرأ أيضاً : كيف تبدأ في تعلم البرمجة

كورسات يوديمي في البرمجة اون لاين للمبتدئين والمحترفين

لماذا تتعلم البرمجة ؟

تعلم البرمجة كفيل إنه يحققلك مسار مهني جيد من حيث العائد المادي وفرص التطوع المختلفة وعلى الرغم من إن بعض الوظائف الموجودة حاليا لا تتطلب تعلمك للبرمجة إلا ان وجود خلفية برمجية مسبقة عندك بيضيفلك الكثير و كمان بيزود فرصتك إنك تكون متميز عن غيرك في نفس الوظيفة ودول مثل مجالات البحث العلمي وبعض المجالات الهندسية و غيرهم من المجالات التانية اللي مش بتعتمد بشكل أساسي على البرمجة .
ومن الاسباب اللي ممكن تخليك برضو تتعلم البرمجة هو إنك علشان تعلمها لحد من أصحابك أو تعلمها لأبنائك وده حافز كبير جداً كفيل لواحده يخليك تستمر وتتعلم البرمجة وتتفوق فيها وتعلم الاطفال للبرمجة بينمي عندهم التفكير الابداعي والتفكير المنطقي والنقدي وقدرتهم على تحليل كل المشاكل اللي بتواجهم بشكل أفضل واحسن علشان كدة بعض الدول الاوروبية اتجهت حالياً في تعليم البرمجة للأطفال في سن مبكرة بداية من المرحلة الابتدائية كمان . 

ما هي اولى الخطوات لتعلم البرمجة ؟ 

اول خطوة المفروض تخطوها كشخص عاوز يتعلم برمجة هي إنك تختار لغة برمجة معينة وتبدأ في تعلمها من المصادر المتاحة  ولكن علشان تقدر تاخد خطوة زي برضو لازم يكون عندك قدر من المعرفة اللي مش بيكون عند أغلب المبتدئين لكن تعالى كدة معايا نبسط الموضوع ونلخصه , مبدأياً فيه عدد كبير جداً من لغات البرمجة المتوفرة واللي ممكن تبدأ تتعلمها وتعددها ده له أسباب واختلاف وتنوع لغات البرمجة راجع لإختلاف إستخداماتها فمثلا إنك تعمل تطبيق للموبايل يختلف تماماً عن إنشاء موقع على شبكة الانترنت و يختلف عن عمل لعبة فيديو .

في النهاية فيه أكتر من لغة برمجة وده من الحاجات اللي هتخليك محتار جداً تبدأ منين لكن خليني اقولك ان اي لغة هتتعلمها مهما كانت فهي هتتشارك في أكثر من 80% من مفاهيمها بينها وبين اللغات الاخرى وبالتالي بمجرد تعلمك لاي لغة هيكون سهل انك تتعلم اي لغة تانية بعدها وده من الحاجات اللي المفروض تخليك ماتقلقش انك تبدأ تتعلم برمجة ولكن ده لا يعني إنك تتعلم اي لغة تقابلك وخلاص لحد هنا وتقف بقى وتفكر انت عاوز تتعلم برمجة علشان ايه ؟ 
علشان تصمم موقع ؟ ولا علشان تعمل تطبيقات أندرويد ولا علشان تعمل ايه بالظبط ؟
ايوة بالضبط كدة زي مافهمت لازم تكون عارف إنت عاوز تشتغل في اي مجال من المجالات البرمجية واللي على اساسه هتبدأ تتعلم برمجة . 

مش عاوز أطول عليك أكتر من كدة ... دي قائمة بأهم الكورسات على موقع يوديمي واللي متوفرة حالياً بشكل مجاني لفترة محدودة .

google-playkhamsatmostaqltradent